كل مستلزمات زراعة الميكروجرين وأماكن شرائها
في البوست دا هحاول أجمع كل مستلزمات زراعة الميكروجرينز وممكن تشتروها منين
البذور
البذور ليها كذا مصدر, أولهم الناس اللي بتبيع زرع في الشارع ممكن تسألوهم عن لو بيبيعوا بذور وبيكون سعر الكيس حوالي 15 جنيه
تاني مصدر هو العطار ممكن تلاقوا عنده بذور برضو (لقيت عنده بذور فجل مثلاً بالصدفة)
تالت مصدر هو شركات المستلزمات الخاصة بالزراعة وهحط لينكات للي لقيتهم وكل ما أجرب حد فيهم هكتب عن التجربة
التربة
في أنواع كتير, الأفضل اللي الكل بيشكر فيه هو الكوكو بيت ممكن تجيبوه من هنا
في أول تجربة إستخدمت بيتموس وممكن تجيبوه من هنا
ممكن كمان تشتروا تربة طينية من أي حد بيبيع زرع في الشارع
صواني الإنبات
الوحيد اللي لقيت عنده الصواني دي هو صواني شتلات للبيع في مصر, لو هتزرع صينية واحدة هتحتاج صينية مخرومة وصينيتين مش مخرمين
 |
| في منها نوعين - العادية والمخرمة |
بخاخة مياه
 |
| هتستخدم في الري بالرش |
 |
هنحط فيها محلول مياة الأكسجين لمقاومة العفن في حالة الحاجة ليه |
إضاءة
أفضل نوع إضائة لقيته متوفر في مصر هو لمبات فيليبس الفلوريسنت عند الكهربائي ودا الموديل بتاعها
Philips TL-D Standard Colours TL-D 36W/54-765 1SL/25
سعرها حوالي 15 جنيه كلمبة وبكل مستلزماتها بتكون بحوالي 60 جنيه وهيكون في موضوع كامل عن طريقة وتوقيت إستخدام الإضاءة في زراعة الميكروجرين
مياة الأكسجين
بنستخدم النوع اللي تركيزه 3% وبنجيبه من أي صيدلية علشان نعمل محلول مضاد للفطريات
مروحة
أي مروحة صغيرة ممكن تستخدم علشان تعمل تيار هوا خفيف هتكون مناسبة
دي في الأغلب معظم الإحتياجات في زراعة الميكروجرينز
تعليقات
إرسال تعليق