Magrows

في البوست دا هحاول أجمع كل مستلزمات زراعة الميكروجرينز وممكن تشتروها منين  البذور البذور ليها كذا مصدر, أولهم الناس اللي بتبيع زرع في الشارع ممكن تسألوهم عن لو بيبيعوا بذور وبيكون سعر الكيس حوالي 15 جنيه  تاني مصدر هو العطار ممكن تلاقوا عنده بذور برضو (لقيت عنده بذور فجل مثلاً بالصدفة) تالت مصدر هو شركات المستلزمات الخاصة بالزراعة وهحط لينكات للي لقيتهم وكل ما أجرب حد فيهم هكتب عن التجربة Green House Egypt Harraz Farm & Garden Growpro التربة في أنواع كتير, الأفضل اللي الكل بيشكر فيه هو  الكوكو بيت ممكن تجيبوه من هنا  في أول تجربة إستخدمت  بيتموس وممكن تجيبوه من هنا   ممكن كمان تشتروا تربة طينية من أي حد بيبيع زرع في الشارع صواني الإنبات الوحيد اللي لقيت عنده الصواني دي هو  صواني شتلات للبيع في مصر , لو هتزرع صينية واحدة هتحتاج صينية مخرومة وصينيتين مش مخرمين في منها نوعين - العادية والمخرمة بخاخة مياه  هتستخدم في الري بالرش  لينك لبخاخات ضغط المياة  هنحط فيها محلول مياة الأكسجين لمقاومة العفن في حالة الحاجة ليه لينك للبخاخة الصغيرة  إضاءة أفضل نوع إضائة لقيته متوفر في مصر هو لمبات

كنا إتكلمنا عن زراعة ميكروجرين عباد الشمس قبل كدة وإتكلمنا عن إن واحدة من المشاكل اللي بتواجه أي حد بيزرع ميكروجرينز عامة هي مشكلة العفن وبتكون أقوى بشكل خاص في ميكروجرينز عباد الشمس إيه هو العفن ؟ العفن بيكون فطريات بتظهر بسبب ظروف معينة على شكل خيوط أو رغوة وبتكون علامة من علامات التحلل والفساد إيه هي مسببات ظهور العفن؟ الرطوبة العالية - التهوية السيئة - الأماكن المغلقة - التحلل للمواد الطبيعية  - تصريف المية السيء إيه هي مسببات ظهور العفن أثناء زراعة الميكروجرينز؟ طريقة زراعة الميكروجرينز فيها معظم الأسباب الرئيسية لظهور العفن اللي قولناها في السؤال اللي فات - بنحط تربة مبلولة والبذور بتكون منقوعة ومبلولة وبنرش البذور دي بمية  كل يوم فمستوى الرطوبة بيكون عالي جداً - بنحط فوق البذور صينية عليها تقل اول 3-4 أيام وبنقلب الصينية دي لمدة من يوم لـ 3 أيام علشان نبدأ مرحلة الإظلام فبتكون التهوية سيئة والرطوبة عالية وتعتبر وسط مغلق - تحلل المواد الطبيعية في التربة المبلولة بتاعتنا برضو بيؤدي للعفن - تكدس البذور زيادة عن اللزوم بيتسبب في زيادة الرطوبة وسوء التهوية - تراكم المية لفترات طويلة

مصدر المعلومات الخاصة بخصائص التربة في البلوج دي هو دليل Veg Geek لزراعة الميكروجرينز   الوسيط أو التربة هو أهم تساؤل بيهم الناس المهتمة بزراعة الميكروجرينز والإختيارات فيها كتير وممكن تتسبب في تشتت في التفكير والإختيار في دليل Veg Geek إتكلم عن أنواع التربة المختلفة في زراعة الميكروجرينز ومميزاتها وعيوبها فإخترت الأنواع المتوفرة في مصر وهعرضها عليكم 1- التربة (Soil Mix)  بتقدروا تشتروها جاهزة زي دول   ودي بتكون تربة مخصبة وجاهزة للزراعة وفيها كل اللي النبات محتاجه  مميزات الـ Soil Mix:  1- الأفضل كوسيط طبيعي 2- ممكن بعد الحصاد تستخدم كسماد للنباتات الأخرى ولكن مينفعش تستخدم تاني للميكروجرينز  (السماد هيكون ليه موضوع في المستقبل) عيوب الـ Soil Mix:  1- قد يكون إستخدامها فوضوي شوية بسبب تكوينها 2- فوضوية شوية برضو وقت الحصاد 3- أكثر عرضة لظهور مشاكل العفن في المحصول (هيكون في موضوع عن مواجهة العفن قريب) ملحوظة: تاني تجربة ليا كانت بالتربة وكانت النتيجة كويسة إلى حد ما  2- مناديل المطبخ أوالعادية (Kitchen Paper towel \ tissue paper)  المناديل المستخدمة في المطبخ أو المناديل العادية اللي

بقالي فترة بقرأعن الميكروجرينز وإنها مغذية وطعمها حلو في الأكل وحبيت أعمل تجربة موثقة يوم بيوم لزراعتها وحصادها والأدوات اللي ممكن تحتاجوها والمشاكل اللي ممكن تواجهوها إيه هي الـ Sunflower Microgreens؟ هي نبات عباد الشمس بس بيتم زراعته بشكل كثيف في مساحة صغيرة وحصاده في مرحلة عمرية صغيرة نسبياً (من أول 6 لـ 10 أيام) وطعمها بيكون حلو جداً (عن تجربة) أول ورقة للنبات (الـ cotyledon leaves) وهي أول حاجة بتظهر لما بنزرع البذرة وأول ما بتوصل لمرحلة معينة بتبتدي الأوراق الحقيقية (True Leaves) للنبات تظهر وقت الحصاد بيكون قبل ما الأوراق الحقيقية تبدأ تنمو بشكل كبير - الأوراق الحقيقية هي تاني ورقة بتنمو في النبات (الـ true leaves شكلها بيختلف على حسب النبات وهي الورقة الصغيرة اللي بين الورقتين الصغيرين) المغذيات في ميكروجرينز عباد الشمس: غنية بالألياف وفيها فيتامينات ومعادن كتير زي فيتامين A و B و C و D و E ومغنيسيوم وبوتاسيوم وفسفور وبنسبة قليلة زنك ونحاس ومنجنيز و كروم (مصدر المعلومة) بالنسبة للسعرات الحرارية فكل 90 جرام فيه 25 كالوري (مصدر المعلومة والصورة) الأدوات الخاصة بزراعة ميكروجريز ع

إيه هي الـ Microgreens؟ هي نباتات معينة بيتم زراعتها بعدد كبير وبيتم حصادها في وقت معين ونسبة المغذيات فيها عالية وبتدي طعم في الأكل و texture و بيكون شكلها لطيف في الأطباق عادة بتكون هي النباتات الصغيرة اللي بتشوفوها في الصور اللي زي دي مثلاً بنحاول نحصد الميكروجرينز قبل ما الاوراق الحقيقية تتطور وتكبر شوية لان ساعتها بيكون طعمها مش لطيف الطعم بيكون مركز من اول ما الزرعة تفقد البذرة وبتكون في أحسن وقت للحصاد لما الاوراق الاولية تكون كبيرة وقبل ما اول الاوراق الحقيقية تظهر بنحتاج إيه لزراعة المايكروجرينز؟ في البداية ممكن نبتدي بحاجات بسيطة زي أي علبة بلاستيك فاضية ملهاش إستخدام ومناديل مطبخ والبذور كتجربة أولية بعد كدة هنحتاج نطور شوية ونقرأ أكتر عن اللي حابين نزرعه ونجيب صواني إنبات وتربة وشوية مستلزمات هنتكلم عنهم في موضوع منفصل في المستقبل ممكن نزرع إيه كمايكروجرينز؟ - عباد الشمس ( كتبت عن زراعته ولو حابب تعرف أكتر دوس هنا ) - البسلة - الفجل ( كتبت عن زراعته ولو حابب تعرف أكتر دوس هنا ) - البنجر  - البروكلي - الجرجير - الجزر - المسطردة - الريحان - القمح لو هتجربوا تزرعوا مايكروجرينز