إختيار الوسيط "التربة" المناسبة في زراعة الميكروجرينز

مصدر المعلومات الخاصة بخصائص التربة في البلوج دي هو دليل Veg Geek لزراعة الميكروجرينز 

الوسيط أو التربة هو أهم تساؤل بيهم الناس المهتمة بزراعة الميكروجرينز والإختيارات فيها كتير وممكن تتسبب في تشتت في التفكير والإختيار

في دليل Veg Geek إتكلم عن أنواع التربة المختلفة في زراعة الميكروجرينز ومميزاتها وعيوبها فإخترت الأنواع المتوفرة في مصر وهعرضها عليكم

1- التربة (Soil Mix) 

بتقدروا تشتروها جاهزة زي دول  ودي بتكون تربة مخصبة وجاهزة للزراعة وفيها كل اللي النبات محتاجه 

مميزات الـ Soil Mix: 

1- الأفضل كوسيط طبيعي

2- ممكن بعد الحصاد تستخدم كسماد للنباتات الأخرى ولكن مينفعش تستخدم تاني للميكروجرينز

 (السماد هيكون ليه موضوع في المستقبل)

عيوب الـ Soil Mix: 

1- قد يكون إستخدامها فوضوي شوية بسبب تكوينها

2- فوضوية شوية برضو وقت الحصاد

3- أكثر عرضة لظهور مشاكل العفن في المحصول (هيكون في موضوع عن مواجهة العفن قريب)

ملحوظة: تاني تجربة ليا كانت بالتربة وكانت النتيجة كويسة إلى حد ما 

2- مناديل المطبخ أوالعادية (Kitchen Paper towel \ tissue paper) 

المناديل المستخدمة في المطبخ أو المناديل العادية اللي بتستخدم في البيت ممكن تستخدم كوسيط في الميكروجرينز

مميزات الـ Kitchen Paper towel \ tissue paper: 

1- بتحافظ على الرطوبة بشكل جيد 

عيوب الـ Kitchen Paper towel \ tissue paper: 

1- ممكن تحتوي على مواد كيماوية 

2- إحتمال عدم توازن درجة الحموضة 

3- أكتر عرضة لظهور مشاكل العفن في المحصول 

ملحوظة: أول تجربة ليا إستخدمت المناديل مع شوية تربة وكانت مش سيئة للدرجة بس كانت بتحتفظ بالمية زيادة عن اللزوم

3- كوكو بيت (Coco coir peat) 

دا بيكون عبارة عن ألياف قشور جوز الهند الجافة بيتم طحنها وبعد كدة بتتضغط في قوالب وبتكون كتربة مفيهاش أي مغذيات أو عناصر وأقل عرضة للأمراض بكتير ولقيته بيتباع على موقع Green House Egypt 

مميزات الـ Coco coir peat: 

1- بيحافظ على الرطوبة بشكل كويس 

2- مستدام (sustainable) لأنه منتج من منتجات صناعة جوز الهند ومتوفر 

3- حيادي الحموضة (Neutral) 

عيوب الـ Coco coir peat: 

1- ممكن إستخدامه يكون فوضوي شوية علشان حجم الحبيبات

2- ممكن يكون من الصعب التحكم في إمتصاصه للمية

3- بيكون فوضوي شوية وقت الحصاد 

التجربة التالتة لميكروجرينز عباد الشمس هستخدم فيها الكوكو بيت كتربة وهشارككم بالنتيجة في بوست لما أخلصها

شكراً لـ Veg Geek على المعلومات في دليله لزراعة الميكروجرينز وممكن تقروه بالكامل بإختيارات أكتر للتربة من هنا