طريقة عمل إضاءة صناعية للميكروجرين بتكلفة قليلة
في البوست اللي فات إتكلمنا عن أهمية الإضاءة في زراعة الميكروجرين ووصلنا لنتيجة إن الضوء الصناعي أفضل من الضوء الطبيعي لأنه بيساعدنا نكون متحكمين في الظروف المحيطة بالميكروجرينز
لما بدأت أدور عن ضوء مناسب كنت تايه إلى حد ما لأن معظم أنواع الضوء الموجودة في مصر مفيش بيانات كافية عن مواصفاتها لأننا عايزين ضوء في range معين
بالصدفة لقيت لمبة فلورسنت فيليبس عند الكهربائي ولأن شركة فيليبس شركة محترمة لقيت البروشور بتاع اللمبة فيه التفاصيل اللي محتاجها
مواصفات الضوء الصناعي المناسب لزراعة الميكروجرين
- مبينتجش عنه حرارة عالية
- شدة الإضاءة تكون في رينج 1,700 لـ 2,000 لومن (Lumen)
- درجة حرارة اللون (Color temperature) يكون في رينج 4,000K لـ 6,500K
مواصفات ضوء لمبة Philips TL-D Standard Colours TL-D 36W/54-765 1SL/25
- مبتنتجش حرارة قوية, اللمبة بتدفى شوية بس
- في شيت المواصفات بتاعها مكتوب إنها 2,500 لومن
- في شيت المواصفات بتاعها مكتوب إن درجة حرارة اللون بتاعتها 6,200K
- في شيت المواصفات الـ Photometric data اللون الأزرق نسبته عالية وإحنا محتاجينه لأنه بيساعد على تطور الأوراق (Vegitation)
فكدة لقيت مصدر الضوء اللي محتاجه وعملت وحدة إضاءة عبارة عن لمبة واحدة للتجربة
تعليقات
إرسال تعليق